Неколку основни и средни училишта низ Словенија денес добија е-пораки со безбедносни закани, а некои беа евакуирани како мерка на претпазливост, соопшти полицијата.
Главната полициска управа на Љубљана соопшти дека реагирала веднаш по приемот на заканувачките пораки, собрала информации и ги спровела сите потребни мерки за да ја обезбеди безбедноста на учениците и персоналот, објави СТА.
Досега собраните податоци укажуваат дека станува збор за генерички закани, без специфична оперативна закана.
Полицијата процени дека ситуацијата носи низок ризик и дека нема потреба од дополнително предупредување.
Министерот за образование е информиран за инцидентот.
Додека некои училишта ги евакуираа учениците како мерка на претпазливост, други ја продолжија наставата, со оглед на проценката дека ризикот не е сериозен.