Неговата слика како папа не им се допаѓала на „медиумите за лажни вести“, верниците ја сакале тврди Трамп

Од:

Американскиот претседател Доналд Трамп ја отфрли загриженоста дека сликата генерирана од вештачка интелигенција за него како следен папа е навредлива за католиците.

Контроверзната слика беше објавена на профилот на Трамп на социјалната мрежа Truth Social во петокот. Не е познато дали го објавил самиот Трамп или некој од неговите соработници. Сликата предизвика поделени реакции. Поранешниот италијански премиер Матео Ренци рече дека тоа е „слика која ги навредува верниците, ги навредува институциите и покажува дека лидерот на глобалната десница ужива да биде кловн“.

Незадоволство изразија и Тимоти Долан, надбискупот од Њујорк, кого Трамп го препорача за папа минатата недела, и Католичката конференција на државата Њујорк.

На прашањето за негативната реакција на католиците на сликата, Трамп одговори: „Не мислете на католиците, мислете на медиумите за лажни вести… Католиците ја сакаат (сликата)“.

Тој изјави дека сликата, која била споделена на X и официјалниот профил на Белата куќа, не ја видел до недела навечер. “Немам поим од каде потекнува. Можеби тоа беше вештачка интелигенција. Но, не знам ништо за тоа. Всушност, мојата сопруга мислеше дека е слатко. Таа рече, нели е убаво?” – раскажа Трамп.

Откако минатата недела се пошегува дека би сакал да биде нов папа, сега изјави дека таа позиција сепак не е во неговите планови.

Би можело да ве интересира

ЕУ најави одговор на новите царини на Трамп

Трамп најави двојни царини за увоз на челик

ВИДЕО: Ме мразат ли мене, ја мразат ли Америка – Трамп за судиите кои ги блокираа царините

Катерина Ѓуровски

Судот ги поништува царините на Трамп и ги прогласува за нелегални

САД: Кога ќе видите како се испукуваат ракети врз градовите, тоа не е добро, нема да го дозволиме тоа

Горан Наумовски

Ушаков: Трамп е недоволно информиран