Западните земји кои ја снабдуваат Украина со оружје ја обвинуваат Русија за ситуацијата со децата во конфликтните зони во Украина и се обидуваат да ја обвинат Москва за „киднапирање“ на малолетници, изјави денеска на неформален информативен состанок постојаниот претставник на Русија во Обединетите нации, Василиј Небензја.
Според Небензја, над 3.000 цивили, меѓу кои 152 деца, биле убиени во Донбас од 2014 до декември 2021 година.
„Во моментов, овие бројки рапидно растат, во значителна мера поради западните испораки на оружје со долг дострел, што им овозможува на украинските сили да погодат цивилни области кои претходно биле надвор од нивниот домет“, рече Небензја.
Тој потсети дека децата умираат од артилериски и снајперски оган и страдаат од нагазни мини кои, како што тврди, во периодот од 2014 до 2015 година, украинската армија ги поставила во населени цивилни места.