Не го хранете тролот – рече германскиот канцелар Олаф Шолц во интервју прашан за серијата навреди што му ги упати најбогатиот човек на светот Илон Маск.
-Мора да останете смирени. Како социјалдемократи долго време сме навикнати на фактот дека има богати медиумски сопственици на кои не им се допаѓа социјалдемократската политика и не ги кријат своите мислења, рече Шолц во интервјуот за германскот неделник „Стерн“.
Тој додаде дека нема да направи напори да стапи во контакт со Маск кој пак ја поддржа крајно-десничарската АФД за следните федерални избори што ќе се случат за еден месец.