НАТО разговара за започнување превентивни „прецизни удари“ на руска територија во случај на вооружен конфликт меѓу земјите од Алијансата и Руската Федерација, изјави шефот на Воениот комитет на Северноатлантскиот блок, адмирал Роб Бауер.
„Сега мораме да ги надополниме нашите оперативни залихи на оружје, кои се исцрпени. Но, исто така, треба да инвестираме повеќе во противвоздушна одбрана и прецизно ударно оружје. Ова е нова дебата во НАТО и мило ми е што го променивме нашиот став кон неа и кон идејата дека ние сме одбранбена алијанса и дека ќе седиме и ќе чекаме да не нападнат и потоа да реагираме“, рече тој на конференцијата во Брисел.
Според него, „попаметно би било НАТО да не чека, туку да ги таргетира фрлачите (балистички ракети) во Русија, во случај руската армија да нападне“.
„Она што е потребно е комбинација од прецизни удари кои ќе ги оневозможат системите што се користат за да не нападнат, и ние мораме прво да удриме“, рече воениот претставник.