НАТО денес започна да распоредува проектили “патриот” во Турција со цел одбрана од заканата од соседна Сирија, соопшти командата на американските воени сили во Европа (EUCOM).
Американскиот персонал и опрема пристигнаа во воздухопловната база Инџирлик во југоисточна Турција, за поддршка при распоредувањето на батериите “патриот” на барање на Анкара, се вели во соопштението, пренесува АФП.
EUCOM најави дека во текот на следните неколку дена околу 400 американски војници ќе пристигнат во Турција со авион, а дека дополнителната опрема ќе пристигне покасно по морски пат.
“Распоредувањето на шест батерии ” патриот “, вклучувајќи по две од Германија и Холандија, е одговор на барањето од Турција испратено до НАТО”, наведе EUCOM.
Овие сили, како што е наведено, ќе ја зајакнат одбранбената способност на Турција и ќе придонесат за ублажување на кризата по должината на границата на Алијансата.
Целта на распоредувањето на проектилите “патриот” е чисто дефанзивна, наведено е во соопштението.