Литванскиот министер за надворешни работи Кестутис Будрис го повика НАТО да биде подготвен за напад врз руската енклава Калининград.
– Треба да им покажеме на Русите дека можеме да ја пробиеме малата тврдина што ја изградија во Калининград. НАТО ги има потребните средства за уништување на руските бази во енклавата, рече Будрис во интервју за швајцарските медиуми, објави Спутник.
Рускиот претседател Владимир Путин постојано предупредуваше дека евентуалната блокада на регионот Калининград ќе доведе до „невидена ескалација“ и дека сите закани за регионот ќе бидат уништени.
Советот на Федерацијата на Русија претходно изјави дека Москва нема да дозволи никому да му се заканува на Калининград или на Балтичкото Море и дека на секоја провокација веднаш ќе се одговори.
Калининград е најголемиот град и административен центар на регионот Калининград, руска енклава помеѓу Полска и Литванија, која има пристап до Балтичкото Море.