НАТО не размислува за воспоставување на зона на забранети летови во северна Сирија, што Турција го бара за да го ублажи безбедносниот и хуманитарниот притисок на нејзината југоисточна граница, изјави генерал-полковник Џон Николсон.
Иако Турција нема упатено формално барање до НАТО за помош за воспоставување на зона на забранети летови, Анкара повеќе пати соопшти дека бебзедносната зона во Сирија би овозможила на дел од 1,6 милиони сириски бегалци да се вратат во домовите.
– Зона на забранети летови е потфат кој бара големи ресурси, истакна генерал-полковник Николсон.
Воените експерти истакнуваат дека за зона на забранети летови неопходна е дозвола од сириската Влада или користење на сириските напредни системи на противвоздушна одбрана, а со тоа западните сили уште повеќе ќе се инволвираат во тригодишната војна во Сирија и ќе ги налути сојузниците на сирискиот претседател Башар ал Асад – Русија и Иран.