НАТО не ги признава изборите во грузискиот регион Абхазија, спроведени на 12 март, се наведува во соопштението на Џејмс Апатурај, специјален претставник на генералниот секретар на Алијансата за Кавказ и Централна Азија.
– Овие избори не придонесуваат за трајно решавање на прашањето со Грузија, додава тој. НАТО и земјите од Алијансата не ги признаваат Абхазија и Јужна Осетија – региони на Грузија – како независни држави, додаде Апатурај.
Тој повторно ја изрази целосната поддршка од НАТО за суверенитет и територијалниот интегритет на Грузија во меѓународно признатите граници.