НАТО: Мораме да ја поддржуваме Украина

Од:

Членките на НАТО ја потврдија целосната поддршка за Украина, која не го изгубила својот интензитет поради конфликтот на Блискиот Исток.

„Потврдена е подготвеноста и поддршката за Украина, без оглед на конфликтот на Блискиот Исток. Таа поддршка всушност не го загуби својот интензитет“, изјави хрватскиот министер за надворешни работи Гордан Грлиќ Радман по дводневниот состанок на министрите за надворешни работи на земјите-членки.

Слична порака испрати и американскиот државен секретар Ентони Блинкен, кој тврди дека сојузниците не се измориле да ја поддржуваат Украина, што во последно време често се споменува.

„Мораме да ја поддржуваме Украина и ќе продолжиме да го правиме тоа. Секоја членка на НАТО изрази силна и трајна поддршка за Украина“, рече Блинкен.

Тој рече дека очекува американскиот Конгрес да го одобри предлогот на претседателот Џо Бајден за дополнителна помош за Украина во следните неколку недели.

Денеска во седиштето на НАТО во Брисел се одржа првиот состанок на Советот НАТО-Украина, кој меѓусебните односи ги подигна на повисоко ниво.

Украина ја претставуваше министерот за надворешни работи Дмитро Кулеба, кој истакна дека неговата земја нема да се откаже од ослободувањето на територијата окупирана од Русија.

„Нашата стратешка цел, Украина во границите од 1991 година, во која е вклучен и Крим, останува непроменета“, рече Кулеба.

Тој посочи дека неговата земја не бара директно учество на Американците и Европејците на бојното поле, туку помош за да можат да се борат против рускиот агресор.

„Ова не е само за безбедноста на Украина, туку за безбедноста на целиот евроатлантски регион“, додаде украинскиот министер.

Би можело да ве интересира

Макрон за изјавата за испраќање војници во Украина: Секој мој збор е одмерен, обмислен и избалансиран

Украина: Руските војници кои беа во Црвената шума во зоната Чернобил во 2022 година не се живи

Горан Наумовски

Ерменија: Не сакаме во НАТО

Ердоган: Дајте и шанса на дипломатијата, Турција е подготвена да биде домаќин на преговорите меѓу Русија и Украина

Горан Наумовски

Бугарија нема да испраќа војници во Украина

Шведска е во НАТО, Унгарија даде зелено светло