НАТО денеска повика на истрага за причините за падот на авионот на Азербејџан ерлајнс во кој загинаа 38 лица.
„Нашите мисли и молитви се со семејствата и жртвите на летот J28243 на Азербејџан ерлајнс“, рече портпаролката на НАТО, Фара Далалах на платформата X (Твитер).
Таа посочи дека НАТО им посакува брзо закрепнување на повредените во несреќата и бара да се покрене истрага.
Авион на Азербејџан ерлајнс летал од главниот град Баку за Грозни кога излетал од курсот и се урнал вчера додека се обидувал принудно да слета во близина на градот Актау во Казахстан откако го прелетал Каспиското Море.
Во Азербејџан денеска е прогласен Ден на жалост поради авионската несреќа во која загинаа 38 лица, а 29 преживеаја, додека причината за авионската несреќа се уште не е позната.