Сите палестински фракции кои го потпишаа договорот од Каиро за помирување на Фатах и Хамас и повторно обединување на Западниот брег и Појасот Газа, повикани се да присуствуваат на дводневниот состанок закажан за 21 ноември во Каиро.
Ова го соопшти Љаис Абдул Карим, заменик на генералниот секретар на Демократскиот фронт за ослободување на Палестина.
Тој за радиото Гласот на Палестина изјави дека на состанокот ќе се разговара за теми како што е структурата на владата на национално единство, одржување избори, прашањето за Палестинската ослободителна организација (ПЛО) и свикување седница на Палестинскиот национален совет.