Американската вселенска агенција НАСА испитува локации за слетување на Марс во рамки на мисијата во 2016 година кога на црвената планета ќе приземји летало со задача анализа на јадрото на планетата.
НАСА го намали изборот од 22 на четири потенцијални места за слетување на леталото Инсајт Марс (InSight – Interior Exploration Using Seismic Investigations, Geodesy and Heat Transport).
Лансирањето е планирано за март 2016 година, а за шест месеци леталото би требало да слета на четвртата плането до Сонцето.
Мисијата Инсајт чини 425 милиони долари, а цел е да се утврди дали јадрото на Марс е течно или тврдо и зошто на неговата кора како што изгледа, нема тектонски плочи како на Земјата. На мапата на НАСА се гледа дека локациите се северно од зоната на кратерот Гејл во кој во август 2012 слета роверот Кјуриозити, и северозападно од кратерот Гусев во кој во 2004 година слета Спирит.