Нападнат е аеродромот во Саваслејка, уништени се современи авиони, извести украинската армија

Од:

Украинските одбранбени сили го нападнаа аеродромот Саваслејка во регионот Нижни Новгород на Руската Федерација, објавија денес украинските медиуми, повикувајќи се на објава на Фејсбук од Генералштабот на украинските вооружени сили.

Во соопштението се наведува дека единици на украинските сили за специјални операции, во соработка со припадници на други оддели на украинската армија, го нападнале аеродромот Саваслејка, пренесува Укринформ.

Украинската војска денес објави дека онеспособила два авиона на рускиот аеродром Саваслејка.

„Според прелиминарните информации, погодени се два непријателски авиони, најверојатно МиГ-31 и Сухој-30/34“, соопшти украинската војска во соопштението на апликацијата Телеграм.

Руската војска го користи аеродромот Саваслејка за напади на украинска територија, а руските ловци МиГ-31К кои носат балистички ракети воздух-земја Кинжал редовно полетуваат од овој воен аеродром, објави украинската агенција.

Би можело да ве интересира

Москва: Киев ги прикрива своите злосторства со забрана за пристап до медиумите

„Тајмс“: Украина нема да преживее до пролет

Горан Наумовски

Зеленски ги продолжува воената состојба и општата мобилизација до 3 февруари 2026 година

Горан Наумовски

Марија Захарова: Развојот на Буревестник е реакција на акциите на НАТО

Путин нареди прекин на огнот во три региони на Украина

Сијарто е дециден: Трамп е единствената надеж за мир