Најмалку три лица загинаа, а 18 се повредени во тешка сообраќајна несреќа на автопат во Италија

Од:

Најмалку три лица загинаа, а 18 се повредени во тешка сообраќајна несреќа на автопат во близина на Арецо, Италија. Несреќата се случи кога камион премина во лентата за итни случаи и се судри со други возила.

Тројцата кои загинаа биле во амбулантно возило кое e смачкано во судирот со три други автомобили, возило со камп-приколка и камион. Двајца од тројцата загинати биле лекари од амбулантното возило, а третиот бил пациент. Еден од повредените е во тешка состојба, објави новинската агенција Анса.

Претседателот на регионот Тоскана, Еуџенио Џани, изрази сочувство до семејствата на жртвите.

Два хеликоптери и неколку амбулантни возила, како и полициски и противпожарни екипи, се наоѓаат на местото на настанот.

Би можело да ве интересира

„Мерцедес“ излета од патот кај Облешево, загина возач

Горан Наумовски

Еден загина, тројца тешко повредени во сообраќајка кај Градско

Горан Наумовски

Киев: Бројот на жртви се искачи на 12, меѓу загинатите има и три деца

Осум лица загинаа во поројните дождови во делови од Југоисточна Азија

Катастрофа во Газа – 62.819 мртви и 158.629 ранети

18-годишно момче со автомобил усмрти пензионер, па избега од местото на нсреќата