Жена и четиригодишно дете загинаа во напад на руски дрон врз Чернигов, соопшти началникот на Градската воена управа на Чернигов, Дмитро Брижински.
– Еден дрон погоди станбена зграда. Загинаа жена и четиригодишно дете, додека 14-годишно дете е повредено, наведе Брижински во објава на Телеграм, пренесува Укринформ.
Во меѓувреме, во Херсонската област, како последица на руските напади, загинало едно лице, а уште 12 се повредени, соопшти шефот на регионалната државна администрација, Александар Прокудин, во објава на Фејсбук.