Крајбржната стража во областа Тебулба, град во источниот дел на Тунис, извлече од морето тела на петмина имигранти кои се обиделе да стигнат до италијанскиот остров Лампедуза, додека 49 имигранти се спасени.
Имигрантите, претежно млади на возраст околу 25 години тргнале од пристаништето Тебулба со два помали брода, во кои набрзо навлегла водата.
Властите во Тунис се борат со голем прилив на имигранти од Африка, кои бегаат од Либија и се обидуваат да дојдат во Европа.
Во текот на април, повеќе од 300 имигранти се спасени долж ова крајбрежје, а минатата година 165 илјади пристигнале на италијанското крајбрежје.