Најмалку пет Палестинци загинаа денеска во израелски напад врз бегалски камп во Џенин, на окупираниот Западен Брег, соопшти палестинското Министерство за здравство.
Се додава дека телата на загинатите во нападот се пренесени во владината болница во Џенин, објави Ал Џезира.
Израелската војска го потврди нападот, додавајќи дека нападот врз бегалскиот камп е извршен во соработка со Шин Бет, пишува Тајмс оф Израел.
Израелските сили вршат напади врз бегалски кампови, тврдејќи дека таму се кријат милитанти од Хамас и други палестински вооружени групи.