Најмалку осум Авганистанци се убиени во офанзивата на талибанците врз аеродромот во градот Кандахар, во јужен Авганистан, пренесоа француските медиуми.
– Осум лица, цивили и војници, се убиени, изјави Самим Хпалвак, портпарол на гувернерот на провинцијата Кандахар.
Според командантот на авганистанската армија во Кандахар – Дауд Шах Вафадар, убиени се 18 лица.
Талибанците тврдат дека убиле 150 авганистански војници, но вообичаено нивните соопштенија се нагласено преувеличени, пренесоа британските меидуми.
Претставник на мисијата на НАТО „Решителна поддршка“ изјави дека меѓу меѓународниот персонал во базата нема никакви жртви.
Силно обезбедуваниот комплекс на меѓународниот аеродром во Кандахар во себе соддржи цивилен аеродром и воена база.