Најмалку осум лица загинаа денеска, кога потона брод ресторан на реката Тигар во центарот на Багдад, соопштија ирачки официјални лица.
На бродот имало повеќе десетици гости кога потонал, пренесува АП.
Околу 30 луѓе се спасени, а досега од реката се извлечени осум тела на жртви, соопшти полицијата и официјални лица од болницата.
Судбината на уште девет лица не е позната, наведува АП.
Полицијата соопшти дека нема индиции дека станува збор за тероризам. Други детали за несреќата за сега нема.