Според последните податоци, најмалку осум лица загинале, а дури 2.750 се повредени во големата експлозија на илјадници пејџери што се случи попладнево во Либан.
Како што јави Ројтерс, се очекува бројот на жртвите да продолжи да расте.
Меѓу повредените е и иранскиот амбасадор во Либан, Мојтаба Амани.
Безбедносни извори изјавија за Ројтерс дека пејџерите, кој Хезболах го користи за комуникација, експлодирале. Меѓу повредените има и борци на Хезболах и медицински лица.