Во израелскиот напад на училиштето УНРВА, во бегалскиот камп Џабалија, на северот на Газа, загинаа најмалку 28 Палестинци, а 160 се ранети, соопштија локалните власти.
Во одвоен напад на станбена зграда во бегалскиот камп Магази, во централниот дел на Појасот Газа, загинаа најмалку девет лица, јавува палестинската агенција Вафа.
Од почетокот на војната во Газа досега се убиени најмалку 42.438 Палестинци, а ранети се 99.246 лица, од кои повеќето се жени и деца, пишува Ал Џезира.