Најмалку 34 лица загинаа, а 46 беа ранети во напад на ирачки воени хеликоптери врз исламистички борци, кои се кријат во две џамии во централниот дел на Ирак, изјавија очевидци, јави ДПА.
Во воздушните напади на ирачката авијација врз џамијата во градот Бајџи, во кој се кријат борци на радикалната групација Исламска држава во Ирак и Левант (ИДИЛ) се убиени најмалку 31 лице, меѓу кои и припадници на армијата, земени од ИДИЛ како заложници.
Во Тикрит хеликоптерите не ја погодиле целта, при што ракетите паднале надвор од џамијата, усмртувајќи тројца цивили.