Најмалку 33 луѓе загинаа меѓу кои и 11 деца во човечко стампедо што се случи на концерт на рап музика на плажа во предградие на главниот град на Гвинеја, Конакри.
Владата на Гвинеја прогласи тридневна жалост поради како што наведе, „трагичната драма“ што се случи во момент кога на сцена излегла популарната гвинејска рап група „Инстикт килерс“.
Стампедото настанало по концертот кога луѓето се обидувале да излезат. Масата сакала да излезе, но јаже им попречило пат.
Луѓето кои биле одзади почнале да ги туркаат оние напред, создавајќи масовна паника, изјави полициски претставник. Во тек е истрага во која ќе се утврди причината за трагедијата.