Најмалку 164 курдски цивили се убиени од групацијата Исламска држава во и околу северниот сириски град Кобане, откако џихадистите ја нападнаа оваа претежно курдска енклава изутрината во четвртокот, соопшти Сирискиот центар за набљудување на човековите права, јави ДПА.
Висок курдски претставник во Кобане изјави дека борците од ИД упаѓаат во домовите на цивили во градот и ги убиваат, додека спијат.
– Не прават разлика меѓу жени, деца и стари лица, изјави Идрис Насан од Кобане за ДПА.
Џихадистите убиле најмалку 20 провладини борци, активирајќи два автомобили-бомби покрај зграда на силите за безбедност во градот Хасака.