Борците од курдските „Сили за заштита на народот“ во Сирија ги протераа џихадистите од групацијата Исламска држава од курдскиот град Кобане во северниот дел на земјата, соопшти Сирискиот центар за набљудување на човековите права.
Курдските борци ја вратија контролата врз неколку позиции во Кобане, кои претходно беа заземени од џихадистите.
Според претставник на курдските сили тие целосно ја вратиле контролата врз градот. Тој соопшти и за голем број убиени припадници на ИД, кои го нападнаа градот пред два дена.
– ИД уби околу 200 лица во Кобане и околината, откако изврши напад врз градот во четвртокот, изјави директорот на Центарот Рами Абдел Рахман.