Ник Патон Велш, дописник за „CNN“, кој два дена престојувал во Кобане вели дека неколкуте илјади жителите кои останале во градот живеат на работ на пеколот. Тој тврди дека градот потполно е уништен и дека сега исклучиво се води војна за победа, а не за плен.
Станува збор за луѓе кои не сакаат или пак не можат да заминат од Кобане. Турција ја затвори западната граница, преку која голем број бегалци ја напуштија државата, но се уште има многу луѓе кои чекаат на истото место, со надеж дека турските војници ќе им помогнат.
Велш пренесе дека оние кои што останале во градот се заобиколени од сите страни и дека ништо не може да ги заштити од постојаното гранатирање.
Борците на ИСИС со мини експлозивни направи од боци за гас наполнети со парчиња старо железо, ги напаѓаат курдските цивилни населби, во кои има и борци.
Тој вели дека во градот нема болница и дека ранетите ги испраќаат на граница.
Е. Г.