Најмалку 15 затвореници загинаа, а 21 се повредени во бунт во еден од најголемите затвори во Еквадор, каде веќе се убиени неколку луѓе во постојаното насилство меѓу ривалските банди, соопштија властите.
„Според прелиминарните информации, 21 лице е повредено, а 15 загинале во судирот меѓу затвореници“, се наведува во соопштението на еквадорската затворска управа (СНАИ).
Управата соопшти дека тактичките единици продолжуваат со операциите за враќање на контролата над затворот, а однадвор ги поддржуваат вооружените сили.
Затворот се наоѓа на периферијата на јужниот град Латакунг и со околу 4.300 затвореници, тој е еден од најголемите во земјата. Од февруари 2021 година, во тој затвор имало седум масакри меѓу затворениците, во кои имаше повеќе од 400 мртви.
Извор: МИА