Најмалку 14 лица загинаа, а 18 се повредени во три експлозии во шиитски населби во Багдад, соопштија денеска ирачките власти. Во две експлозии на автомобил бомби на пазар во Садр Сити, во североисточниот дел на Багдад загинаа најмалку 11 лица, а 18 се повредени.
Според локалните медиуми, меѓу повредените е и едно седумнаесетгодишно момче. Во третата експлозија во населбата Камалија загинаа три лица, соопшти полицијата. Засега се уште никој не презема одговорност за нападите, но самоубиствените напади и нападите со автомобил бомби се препознатливи за ирачкото крило на Ал Каеда.
Тензиите меѓу сунитското малцинство и шиитското мнозинство, што сега управува со Ирак, достигнаа највисоко ниво ниво по повлекувањето на американските сили од земјата во декември 2011 година.