Во експлозија на бомба, поставена во близина на една сунитска џамија во северниот дел на Ирак загинаа 12 верници, а 24 се повредени по утринската молитва на големиот муслимански празник Курбан Бајрам, соопшти полицијата.
Експлозијата во богатиот со нафта град Киркук се случила додека верниците излегувале од џамијата ал-Кодус по молитвата на почетокот на денешниот празник.
Над 5.000 луѓе се убиени во Ирак откако припадниците на Ал Каеда и други екстремистички групи ги зајакнаа нападите по крвавото задушување на протестите во еден сунитски камп во април.