Најмалку 115 цивили се убиени за три дена во серија воздушни напади на сириските воздушни сили на позиции на групата „Исламска држава“ во Сирија, јави ДПА, повикувајќи се на нови податоци на сирискиот Центар за набљудување на човековите права.
Меѓу жртвите има вкупно 26 деца.
Во период од три дена сириските воздушни сили извршиле 474 напади врз објекти на ИД.
Во војната во Сирија според најновите податоци досега животот го загубиле најмалку 200.000 лица, во најголем дел цивили.