Најмалку 11 лица загинаа денеска во пожар што зафати одморалиште за лица со посебни потреби во источна Франција, соопштија властите.
Заменик-обвинителката на Колмар, Натали Килвасер, изјави дека 11 лица загинале во пожар што избувнал во куќа во Винсенхајм, во близина на Колмар, пренесува BFM TV.
Пожарот избувнал утрово околу 6.30 часот, додека инвалидите кои биле на одмор и нивните старатели спиеле во двокатница во градот Винсенхајм, на околу 70 километри јужно од Стразбур.