Украина во наредните месеци ќе добие авиони Мираж 2000-5Ф од Франција, а првиот авион ќе биде испорачан на почетокот на следната година, изјави денеска францускиот министер за надворешни работи Жан Ноел Баро.
Ноел Баро на прес-конференција со украинскиот министер за надворешни работи Андриј Сибих рече дека Франција ќе продолжи да и помага и да ја поддржува Украина, објави News of Ukraine.
„Нашата помош се манифестира во конкретни примери. Во одбранбениот сектор, на Украина и обезбедуваме воена опрема. Франција е и првата земја што обучува цела (украинска) бригада – бригадата Ана Киевскаја. Првиот авион Мираж 2000 ќе биде доставен до Украина на почетокот на следната година“, рече Баро.