Една од најголемите американски банки „Велс Фарго“ ќе плати 175 милиони долари според договорот за да го избегне обвинението дека на африканско-американските и латино-американските клиенти им пресметувала поголеми камати отколку на белците, соопшти Министерството за правда.
Банката е обвинета дека „практикувала дискриминација на африканско-американските и латино-американските клиенти во работењето со хипотекарните кредити во периодот од 2004 до 2009 година.
Африканско-американските и латино-американските клиенти, исто така, се насочувани кон рискантни хипотекарни кредити без гаранции, кои се со значително поголеми камати во однос на заемите со гаранциите, додека на клиентите белци им се одобрувани стандардни кредитни услови.