Сушата која годинава ги зафати САД се смета за најголема во последните педесетина години, соопшти денеска Националниот центар за следење на климата во САД.
Според овие податоци, 55 отсто од континенталниот дел на САД е зафатен од суша, што се проценува од умерена до екстремна, а ваквите временсњки услови не се паметат уште од 1956 година.
Големите жештини што и натаму ги погодуваат САД доведоа до тоа 80 отсто од територијата да е целосно сува и го зафаќа, пред се, западниот дел на државата, Средниот Запад, како и целиот предел од Тексас до Монтана на север.
Од сушата е особено погоден родот на пченка и соја, а се проценува дека на крајот штетата ќе се мери со стотици милиони долари.