Кинескиот парламент е најбогат во светот, со дури 83 милијардери, според проценки на кинеското списание Харун, пандан на американски Форбс, и секоја година објавува листа на најбогати Кинези.
Бројот на милијардери во кинескиот парламент е зголемен лани за 17 отсто во однос на 2011 година, а нивното просечно богатство е проценето на 3,35 милијарди долари, пренесе Фигаро.
Во еден од двата дома на парламентот, Народното собрание во кое се 3.000 делегати, има дури 31 милијардер. Најбогат меѓу нив, воедно и најбогат Кинез е Цонг Чингоу, сопственик на компанија за безалкохолни и млечни пијалоци Вахаха, чие богатство е проценето на 12,5 милијарди долари.
Во другиот парламентарен дом, Секинескиот народен политички совет од 2.200 делегати, 42-ца се милијардери.
Според проценки на Харун, само лани најбогатите кинески пратеници заработиле повеќе отколку сите 535 членови на американскиот Конгрес, претседателот на САД, неговиот кабинет и девет судии во Врховниот суд.
Член на кинескиот парламент е и најбогатата Кинеска – Ву Јахун, претседателка на Лонгфор пропертис, со богатство од 6,6 милијарди долари. Во составувањето на листата Харун користи само јавни извори на информации.