Повеќе од 200 лица загинаа во последните денови во поплавите и свлечишта во Непал, Индија и во Бангладеш, соопштија денеска властите на тие земји.
Најпогоден од поројните дождови во сезоната на монсуните е Непал, каде во последните денови загинаа 91 лице, а илјадници куќи се разурнати, голем број луѓе се принудени да ги напуштат домовите, а угина и многу животни. Во поплавите повредени се 25 лица, а 38 се водат како исчезнати.
Индиските власти денеска соопштија дека во поплавите загинале 81 лице, првенствено во источните и североисточните индиски држави.
Бангладешката Служба за справување со несреќи и катастрофи информира дека во поплавите загинаа 29 луѓе, а 1,5 милиони лица се раселени.