Шефот за кибер одбрана на Франција адмирал Арно Кустиер денеска изјави дека околу 19.000 француски интернет страници биле жртва на кибер напади во деновите по нападите на исламски екстремисти, во кои загинаа 20 лица.
Според Кустиер голем број напади биле дело на повеќе или помалку структурирани групи, вклучително и некои познати исламски хакерски групи. Досега не сме виделе такво нешто. За првпат земјата се соочува со така голем бран напади, нагласи адмиралот.
Нападите во најголем дел биле насочени кон незначителни откажувања на услуги. Според Кустиер цел на нападите биле разни страници од официјални веб страници на воени служби до интернет страници на пицерии и ресторани.