Над 13.000 Филипинци кои работат во Либија не ги разбрале доволно сериозно апелите на филипинската Влада да ја напуштат Либија на почетокот на новата криза, па сега се наоѓаат во незавидна состојба.
За координација на евакуацијата од вчера лично се грижи филипинскиот министер за надворешни работи Алберт дел Росарио, кој допатува во Тунис.
Бидејки речиси и не постои можност за евакуација на странците по воздушен пат, а и поради затворената граница со Египет, Филипините ќе се обидат дел од своите државјани да ги евакуираат со бродови до Малта. Меѓутоа, од неколкуте договорени бродски превози, сопствениците на бродовите откажаа да впловат во Бенгази, а само еден брод денеска најверојатно ќе префрил 1.500 Филипинци на безбедна територија.
Министерот Дел Росарио за медиумите во Манила изјави дека неговите сограѓани во Либија ја одбивале евакуацијата најмногу поради стравот дека во својата држава по враќањето ќе останеле без работа. Најголем дел од Филипинците во Либија работат во здравствените установи и на нафтените постројки.