Повеќе од 100.000 лица излегоа на улиците ширум Франција во спомен на жртвите на крвавиот напад врз редакцијата на сатиричниот неделник „Шарли ебдо“.
Според полицијата, во Париз 35.000 луѓе се собраа на плоштадот Република, кој се наоѓа во близина на просториите на медиумот. Многумина носеле црна лента или натпис „Јас сум Шарли“, оддавајќи им почит на 12-те жртви во нападот.
Во вториот по големина француски град Марсеј се собрале 7.000 граѓани, додека во Лион меѓу 10 и 15 илјади лица. На митингот во градот Тулуз присуствувале околу 10.000 луѓе.