Израелската армија објави дека извршила напад со беспилотно летало на Западниот Брег, во близина на кампот Балата.
Тие рекоа дека целта бил Абдула Абу Шалал, главниот терористички водач во таа палестинска енклава, кој планирал непосреден напад.
Според соопштението, тој бил убиен во комбинирана операција спроведена од армијата и безбедносната служба Шин Бет, пишува The Times of Israel.
Војската соопшти дека Абу Шалал е одговорен за серијата неодамнешни напади, вклучително и пукањето во населбата Шимон Хацадик во Ерусалим, во кое беа повредени двајца Израелци и бомба која рани еден војник.
По нападот на терористичката ќелија предводена од Абу Шалал, во автомобилот било пронајдено оружје. Останатите членови не беа веднаш идентификувани.
Израелската војска тврди дека Абу Шалал добивал пари и инструкции од Иран и терористичките групи во Газа и во странство.
Палестински извори соопштија дека во нападот врз неговиот автомобил загинале три лица.