Групи кои учествуваа во кампањата за правата на жените и ЛГБТ, ги преплавија улиците на Верона во саботата, кога црковните водачи и активистите за живот се состанаа на конференција за семејните вредности.
Демонстрантите беа таму да се спротивстават на Светскиот конгрес на семејствата, чија самопрогласена цел е да се врати она што го нарекува “природен семеен поредок”.
Според демонстрантите во Италија во моментов има многу сериозен напад врз сите права и слободи што ги освоиле жените.
“Постојат разговори за одземање на слободата на абортус, развод и семејно право. Ова се борби за кои се мислеше дека се веќе освоени” – велат демонстранктките.
Полицијата беше распоредена надвор од конференцијата и беше спроведена контра-демонстрација – од страна на групи кои ги поддржуваат целите на конференцијата.
Олимпија Тарзија, активист за борба против абортусот, рече: “Конгресот, пред сè, сака да го врати значењето и вредноста на семејството, помирувањето на жените помеѓу животот и работното време и вистинската слобода на жените”.
Тридневната конференција во Верона е финансирана од локалниот совет и е поддржана од екстремно десничарската партија Лига, која е партнер во актуелната популистичка коалициона влада на Италија.