По повод престојот на папата Франциско во Бразил, на улиците на Рио де Жанеиро овој викенд, покрај илјадниците полицајци, ќе бидат распоредени и 7.000 војници, соопштија денеска бразилските власти.
Војниците ќе ја гарантираат безбедноста на папата и аџиите, за кои се очекува да бидат повеќе од еден милион.
Војската ќе ги штити папата и учесниците на ноќното молитвено бдеење меѓу сабота и недела, како и за време на неделната миса.
Униформирани, но невооружени војници ќе се грижат за безбедноста на плажата Копакабана – пред бината на која папата ќе ја одржи мисата.