Русија им забрани влез во земјата на американските актери Шон Пен и Бен Стилер, соопшти денеска руското Министерство за надворешни работи.
Холивудските ѕвезди се додадени на списокот од 25 американски државјани кои се додадени на „црната листа“ како одговор на новите лични санкции на Вашингтон против Русија.
На списокот има поединечни членови на Конгресот на САД, високи функционери, претставници на деловната и професионалната заедница, како и личности од светот на културата.
Бен Стилер и Шон Пен отворено го покажаа своето противење на рускиот напад на Украина и го поддржаа Киев.
Стилер неодамна беше во Украина каде што се сретна со претседателот Володимир Зеленски, додека Пен, кој снимаше во таа земја во времето кога започна војната, даде серија изјави за поддршка на Киев и изразување уверување во победата на Украина.