На југот од Франција ставен под контрола шумскиот пожар кој опустоши 165 хектари

Од:

Првиот голем шумски пожар во Франција ова лето, кој засега е од непознато потекло, мобилизираше голем број пожарникари цела ноќ и предизвика евакуација на околу сто жители, е ставен под контрола, но опасноста од повторно разбувнување се уште постои.

Пожарот опустоши околу 165 хектари борова шума во Чиберта, во центарот на Англе (Атлантски Пиринеи), принудувајќи ги пожарникарите да евакуираат многу домови.

-Пожарот е под контрола, има подобрување во однос на ноќта, но сè уште има две или три тешки точки, не се исклучува ризик од распалување, изјави градоначалникот Клод Олив.

Единаесет куќи биле зафатени со пожарот, од кои во пет повеќе не може да се живее, а 16 лица биле затруени од чадот, но без сериозни последици, додека стотина жители биле евакуирани.

Изутринава околу 130 пожарникари се уште работеа на гаснењето на пожарот, во заштитата и надзорот, додека синоќа беа 150. Два авиона-бомбардери со вода ротираа до ноќеска, при што извршија 18 бомбардирања со вода.

Шумата Чиберта, вистински остров на зеленило во густо населената агломерација на Бајон-Бијариц-Англе, е голема борова шума со високи дрвја до кои е многу тешко да се достигне.

Пожарот, како што рече Олив, особено го погоди еколошкиот парк Изадија и неговиот дом.

Во југозападна Франција во текот на вчерашниот ден имаше многу високи температури. Сен Жан-де-Луз, недалеку од Англе, на брегот на Баскија, го собори својот рекорд на висока температура со 41,9 степени Целзиусови. На север, во Жирондија, во понеделникот во шумски пожар изгореа повеќе од 295 хектари борови дрвја.

За денеска се предвидува температурата во Франција да достигне или надмине 40 степени.

Би можело да ве интересира

Националното обвинителство за борба против тероризмот ќе ја води истрагата за нападот во Париз

Ана Ололовска

ВИДЕО: Четворица повредени во напад со нож кај поранешните канцеларии на Шарли Ебдо

Ана Ололовска

Француската јавност вознемирена по неколкуте напади врз жени затоа што носеле здолниште

А1он

ВИДЕО: Евакуирана Ајфеловата кула по закана со бомба

Ана Ололовска

Кремљ верува дека Париз не го обелоденил разговорот Путин-Макрон

Ана Ололовска

Курц: ЕУ не се само Германија и Франција

Ана Ололовска