Полицијата во Хонг Конг затвори дел од центарот на градот кога на едно градилиште била пронајдена неексплодирана бомба, пренесоа светските медиуми. Според информациите, на местото се присутни и експерти за демонтирање на експлозивни направи.
Во тој дел од градот сообраќајот се пренасочува, а продавниците и канцелариите се затворени како мерка на претпазливост.
Полицијата соопшти дека бомбата тешка околу 450 килограми била пронајдена во неделата, а се верува дека станува збор за американска експлозивна направа фрлена од авион во текот на Втората светска војна кога Хонг Конг бил заземен од јапонските сили за време на војната на Пацификот.