На американскиот претседател му бил отстранет карцином на базалните клетки. Ракот на базалните клетки обично се развива на области на кожата кои се изложени на сончева светлина.
Лекарот на претседателот Џо Бајден рече дека лезијата отстранета од градниот кош на претседателот минатиот месец е карцином на базалните клетки, вообичаен тип на рак на кожата.
Докторот Кевин О’Конор напиша писмо до секретарката на Белата куќа Карина Жан-Пјер дека лезијата е отстранета и направена е биопсија.
„Како што се очекуваше лезијата беше позитивна за карцином на базалните клетки“, напиша О’Конор.
„Канцерогеното ткиво беше успешно отстрането“, напиша О’Конор, пренесува CNN.
Бајден ќе продолжи со „дерматолошки мониторинг“ во иднина, додаде тој. Докторот на Бајден рече дека „не е потребен дополнителен третман“.
О’Конор рече дека областа каде што била отстранета канцерогената лезија „зараснала“.
Во писмото, исто така, се наведува: „Лезиите на карцином на базалните клетки немаат тенденција да се шират или метастазираат, како што е познато дека прават некои посериозни карциноми на кожата, како што е меланомот“, пренесува CNN.