Поранешниот премиер на Норвешка, Шел Магне Боневик вчера бил задржан на меѓународниот аеродром Дaлас во Вашингтон поради тоа што во 2014 година бил во посета на Иран.
Боневик, кој беше премиер од 1997 до 2000 и од 2001 до 2005 година пристигнал во САД од Европа, но тоа не го спречило аеродромското обезбедување да го задржат поранешниот премиер цел час.
– Целосно ја разбирам опасноста дека во САД можат да влезат терористи, но доволно беше да го видат мојот дипломатски пасош, за да ме пуштат. Таму пишува дека сум бил премиер, истална Боневик.
Тој бил одведен во простории за лицата кои пристигнуваат од Африка и од Блиски Исток, каде бил задржан 40 минути, а уште 20 минути бил испрашуван за неговата посета на Иран пред три години.
Боневик посочи дека неговото задржување не е резултат на указите за ограничување на миграцијата потпишани од американскиот претседател Доналд Трамп туку на указот на поранешниот претседател Барак Обама за распоредување на антитерористички единици по нападите во Париз.