Европските муслиманските и еврејски групи застанаа заедно во одбрана на религиозното обрежување на момчињата кои припаѓаат на нивните заедници, откако Судот претходно го прогласи овој чин за телесна повреда, а би можело да стане и меѓународен преседан доколку биде забрането со закон.
Во заедничата изјава на еврејската и муслиманска заедница, потпишана од лидерите на двете групи се вели дека обрежувањето е основа на нивната вера и бараат правна заштита на ваквите практики. Тие ги повикуваа сите политички партии итно да интервенираат, да се поништи одлуката на судот.
Потписниците на изјавите се сретнаа и со претставниците на Европскиот парламент и го изразија својот гнев, инсистираќи на тоа дека германскиот парламент треба законски да ја заштити нивната традиција.
Одлуката на судот во Келн, претходно ја критикуваше израелскиот парламент и таа не се однесува на цела Германија, туку само на покраината Северна Рајна Вестфалија, каде што посотеше конкретен случај на сунет извршен од доктор врз 4 – годишно момче, кој подоцна заврши во болница.
Хирургот беше обвинет за нанесување тешки телесни повреди.
Германски суд одлучи дека обрежувањето од религиозни причини е телесна повреда, која може да биде казнлива со закон затоа што телесниот интегритет на детето има приоритет во однос на правата на родителите.
Иако илјадници еврејски и муслимански момчиња се обрежуваат секоја година во Германија, сепак Германската медицинска асоцијација ги советуваше лекарите да престанат да обрежуваат поради случајот.
Би-Би-Си објави дека германската влада е ставена во многу непријатна ситуација поради оваа одлука затоа што не и личи на земја во која е измислен Холокаустот да ги забрани основните ритуали на јудизмот.