Руските сили синоќа нападнаа станбена зона во Киев, во која се наоѓа голем трговски центар. Дописникот на Sky News јавува дека видел неколку тела на тротоарот пред трговскиот центар. Полицијата соопшти дека најмалку осум лица се убиени.
Ракетниот напад се случи доцна синоќа. Главниот обвинител на Украина изјави дека покренал истрага за можно воено злосторство.
„Слушнавме многу силна експлозија. Бевме во нашиот стан во близина и слушнавме страшна бучава. Никаде во Украина повеќе не се чувствуваме безбедни“, изјави еден од сведоците на синоќешниот напад за Sky News.